Nadie se ha parado a pensar en el drama lingüístico que se podría producir en los juzgados asturianos. Yo lo dejo caer y me queda la conciencia tranquila:
-…y entós, ¿ratifícase usté en que manifestó too esto? Cito testualmente: «¡Detesto el té! Toi hasta el toto de tomalu toles tardes na tetería de Tina nuna tazuca hortera tapá con un platucu. ¡Toño! ¡Tojones! ¡Toder ya!».
-Sí, ratifícome en que testificare que detestaba el té y que taba hasta el tallu’l toto y hasta los tojones de tomalu toles tardes na tetería de Tina nuna tazuca hortera tapá con un platucu
-Detalle usté detenidamente por qué detesta tanto el té de la tetería de Tina.
-El de la tetería de Tina y el de toes partes. Detéstolu totalmente porque eso nun ta pa tomalu. ¡Que lu tome el británicu los toreyos tochos que ta con la otra esperpenta! El té nun val ni pa tiralu al tapín…
-¿Si usté nun tuviere tan emperretá en detestalu, tomaríalu con delectación?
-¡Nun lu tastio tomándolu solitaria, con delectación menos entavía!
-Entós, ¿ratifícase usté en que atacó a Tina na su tetería tirando-y la tazuca té en mitá la testa, teniendo que ser atendía esta pol doctor nel hospital de Tabueñes?
-Nun fue en Tabueñes, fue en el HUTA. Y ratifícome tolo que haya que ratificase. El platucu tamién-y lu tiré, porque taba hasta el ratu del putu té y la puta que lu inventó. A Tina tuvieren que poné-y cuatro puntos de sutura na testa ¡Que tome pol toto! ¡Tamién, pudiendo montar una ferretería, tuvo que montar una tetería, la mui fata!
-¿Y usté qué barruntaba que diba tomar nuna tetería, detestando como detesta el té, tontalpiju?
-¡Magistráu! ¡Toi disgustá y arrepentía! ¡Y sedienta!
-Si ta sedienta, traigo-y una botelluca Fuensanta pa que la trasiegue pol gaznate pa dientro.
-Tráigame un té, que aunque lu deteste acostumbreme a tomalu nuna tazuca hortera tapá con un platucu ¡Ay, Tina! ¡Si nun tuvieres nel tanatoriu, pedíate un té! Pero como tas difunta, tendré que tomalu col tontolpiju esti del magistráu…
-¡Cagontó! Tenía que haber estudiao pa montar una tetería, y no pa magistráu…
-¡Tráigame un Toblerone tamién!
—
Fin
